Saung Sunda

Tampilkan postingan dengan label Berita. Tampilkan semua postingan

Selasa, 16 Juli 2013

PAMASRAHAN HADIAH HARJAPAMEKAS YAYASAN KEBUDAYAAN RANCAGÉ 2013

Description: http://sunda.upi.edu/wp-content/uploads/2013/07/hadiah-hardjapamekas-2008.jpg

PAMASRAHAN HADIAH HARJAPAMEKAS
YAYASAN KEBUDAYAAN RANCAGÉ 2013
Sekretariat, Jl Garut no. 2 Bandung

BÉWARA

Yayasan kebudayaan Rancagé gawé bareng jeung Program Studi Pendidikan Bahasa Sunda (S1) katut Program Studi Bahasa dan Budaya Sunda (S2) Universitas Pendidikan Indonesia (UPI) dina taun 2013 ieu baris ngalélér Hadiah Hardjapamekas 2013 ka guru-guru Basa Sunda SD/MI, SMP/MTs, SMA/MA, SMK/MAK.

Sakumaha anu geus dilaksanakeun saméméhna, Panitia baris milih deui guru-guru basa Sunda nu rancagé, nya éta saurang guru SD, saurang guru SMP/Mts, jeung saurang guru SMA/MA/SMK/MAK. Ku Jalaran kitu, ka sakumna guru basa Sunda anu aya maksad makalangan dipiharep masrahkeun Portopolio, nu eusina mangrupa dokumen bukti karancagéan salaku guru basa Sunda enggoning ngahirup-huripkeun basa Sunda dina widang atikan ka panitia Hadiah Harjapamekas.

Panitia baris nampi dokumen portopolio kaping 1-30 Juli 2013. Seleksi katut survéy lapangan baris dilaksakeun sasih Agustus-September 2013. Pamasrahan Hadiah baris dilaksanakeun dinten Minggu, 23 September 2013, tabuh: 09.00 dugi ka réngsé, tempatna di AMPI Teater Universitas Pendidikan Indonesia, Jln. Dr. Setiabudhi 229 Bandung.

Kanggo nu meryogikeun nomer panitia

Bandung, 28 Juni 2013
Panitia Hadiah Harjapameka

Drs. H. Elin Syamsuri

No. kontak: 081322013900 (Drs. H. Elin Syamsuri), 081321994797 (Dr. H. Dingding Haerudin, M.Pd)

Senin, 06 Desember 2010

Wawanohan

IRMA HERMAYANTI,
PUPUHU OSIS HAYANG JADI ARSITEK

   Pikeun di lingkungan SMP Negeri 1 Cigalontang mah, ka ngaran Irma Hermayanti teh geus moal bireuk deui, sabab di sakolana jadi pupuhu OSIS. Lahir di Tasikmalaya tanggal 12 Mei 1993. Irma teh putrana bapa Suherman sareng ibu Tati Nurhayati. Kiwari Irma diuk di kelas 8.b SMP Negeri 1 Cigalontang Kabupaten Tasikmalaya.
   Sok sanajan aktif dina rupa-rupa kagiatan ekstra kurikuler, lain hartina nyapirakeun kagiatan intra. Ieu teh katingali tina prestasina anu nyongcolang. Ti keur di SD keneh nya eta di SD Pusparja, Irma jadi juara umum. Malah di kiwari di SMP teu weleh jadi rangking ka- 1 di kelasna. Lian ti jadi juara di sakolana, Irma kungsi jadi juara 1 melukis tingkat kacamatan dina raraga Porseni SD sarta juara ka-4 tingkat Kabupaten dina taun 2005.
   Can kungsi lila, Irma miluan lomba cepat tepat MIPA+Agama nu dikokojoan ku Al-Amin Tasikmalaya, olimpiade MIPA jeung lomba siswa berprestasi tingkat kabupaten taun 2008.
   Irma salawas aktif dina widang organisasi di sakolana, nepi ka ayeuna jadi pupuhu OSIS SMP Negeri 1 Cigalontang Kab. Tasikmalaya periode 2007/2008. Kagiatan PMR, Pramuka, kasenian, olah raga jeung drumban oge salawasna dipiluan.
   Kiwari Irma tumetep jeung kolotna di Kp. Sukarame Desa Pusparaja Kacamatan Cigalontang.
   ”Hoyong janten Arsitek” ceuk Irma anu boga karesep kana ngagambar teh, netelakeun cita-citana. (Pip 0608).

Wawanohan

RISKA PUSPITA
PENDEKAR NU HAYANG JADI KOWAD

   Kawasna teu bisa kagambar ku caritaan, kumaha bagja jeung reueusna hiji kolot nu ngabogaan budak kawilang pinter jeung nyongcolang dina diajarna. Komo mun budakna teh remen jadi juara kelas dina unggal taunna mah.
   Riska Puspita nu lahir tanggal 21 september 1994 ti pasangan bapa Tatang Hermawan jeung Ibu Iis Sumiati, kawasna budak nu bisa dipake conto, da geus mere kasugemaan hate pikeun kolotna. Ti saprak asup ka SD, Riska teu weleh jadi juara umum di sakolana. Saterusna dina taun 2006, Riska jadi juara ka-2 siswa berprestasi tingkat kacamatan jeung juara ka-2 lomba catur tingkat kacamatan. Malah sanggeus nyuprih elmu di SMP negeri 1 Cigalontang Tasikmalaya prestasi diajarna leuwih ngaronjat. Ti keur kelas 7 keneh nepi ka kiwari di kelas 8 D, Riska teu weleh jadi juara kelas.
   Pantes kitu tea mah da Riska teh resep maca, malah kana nulis hususna nulis puisi oge karesepna. Hasil karya tulisna sok midang dina majalah dinding. Lian ti ngabogaan karesep kana maca jeung nulis, Riska oge resep kana olah raga penca silat. Kiwari Riska ngagabung ka perguruan penca silat”Perisai Diri” SMPN 1 Cigalontang. Dina unggal kagiatan, boh nu aya di lingkungan SMP boh di luar lingkungan SMP, Riska sering mintonkeun kabisana dina widang silat. Malah sok ngahaja aya nu ngondang dina hiji kagiatan sangkan mintonkeun kabisana dina widang penca silat.
   Prestasi sejenna nya eta jadi juara ka-3 lomba catur, juara ka-3 penca silat, jeung juara lomba baca puisi tingkat wilayah Singaparna. Lian ti eta Riska kungsi miluan olimpiade MIPA. Dina kagiatan Pekan Kreativitas Siswa di sakolana, Riska jadi juara ka-3 baca puisi jeung ngarang bahasa Indonesia, sarta juara harapan ka-2 pidato bahasa Inggris. Waktu ditanya ngeunaan cita-citana, Riska nu tetep tumetep di Kp. Sukarame Desa Pusparaja Kecamatan Cigalontang the ngajawab “Hoyong janten Kowad” cenah bari imut.*** (Pipin Dasripin)

Bentang Sulintang

LISDAWATI
MAYORET DRUMBAND SMP N 1 CIGALONTANG

Lisdawati ngaran lengkepna mah. Ari sapopoe mah sok disarebut Lisda bae ku babaturanana teh. Sanggeus aya group Drumband di SMP Negeri 1 Cigalontang, Lisda kapeto jadi mayoret. ”Sok sanaos cape janten mayoret teh, namung resep.” ceuk lisda waktu ditanya ngeunaan suka dukana jadi mayoret teh.
Lisda teh putra ka hiji ti pasangan bapa Ace sareng ibu Karwati lahir di Tasikmalaya tanggal 28 bulan Maret taun 1994. Kiwari Lisda diuk di kelas 9.D SMP N 1 Cigalontang.
Lian ti miluan jadi mayoret, Lisda sok rajin miluan kagiatan ekstra nu sejenna, saperti PMR, Pramuka jeung Olah Raga. Malah ayeuna mah inyana teh sok dititah ngalatih adi-adina jadi mayoret pikeun regenerasi. Sabab sakeudeung deui Lisda mah baris tamat nyuprih elmu di ieu sakola teh. Di OSIS oge Lisda mah teu weleh aktif, malah kungsi jadi bendahara OSIS dina periode 2007/2008. ”Pikeun pangalaman!” saurna teh.
Kulantaran Ujian Nasional atawa UN sakeudeung deui, Lisda jeung nu sejenna keur soson-soson diajar. Sabab pikeun nyanghareupan UN mah kudu bener-bener, lain ngan ukur saheureuyeun.
Prestasi Lisda, kaitung lumayan. Di antarana bae kungsi jadi rengking ka 3 waktu di kelas VII, rengking ka 2 di kelas VIII malah waktu di SD ge Lisda kungsi jadi juara nyanyi solo tingkat ranting.
Kiwari Lisda tetep tumetep jeung kolotna di Kampung Cibitung RT 20/RW 07 Desa Jayapura Kec. Cigalontang Kab. Tasikmalaya.
Waktu ditanya cita-citana, Lisda nu ngabogaan hobi atawa karesep nyanyi jeung badminton teh ngajawab ”Hoyong janten dokter!” cenah bari imut.
Ka sugri anu hoyong wawanohan atawa kenalan mah tiasa langsung bae cenah, bari nyerenyeh. (Pip 1108)

NYANGHAREUPAN UJIAN NASIONAL

NYANGHAREUPAN UJIAN NASIONAL
Drs. PIPIN DASRIPIN, M.Pd.

   Sakeudeung deui boh, siswa kelas 9 SMP, M.Ts. boh siswa kelas 12 SMA, SMK bakal ngalaksanakeun Ujian Nasional (UN) Nyakitu deui siswa kelas 6 SD bakal nyanghareupan Ujian Akhir Sekolah Berstandar Nasional (UASBN).
Ari ujian nasional teh dina enas-enasna mah hiji kagiatan pikeun ngukur kamampuh (kompetensi) jeung ngajen siswa sacara nasional nu diayakeun di jenjang pendidikan dasar jeung menengah. Jadi sakabeh siswa nu sakola di jenjang pendidikan dasar jeung menengah wajib ngiluan ujian nasional.
Mata pelajaran anu di Ujian Nasionalkeun di SMP dina taun pelajaran 2009/2010 aya 4 mata pelajaran, nya eta Bahasa Indonesia, Matematika, Bahasa Inggris, jeung IPA. Sedengkeun jumlah soal Bahasa Indonesia 50 soal, Matematika 40 soal, Bahasa Inggris 50 soal djeung IPA lobana 40 soal kalayan waktuna 120 menit atawa 2 jam. Dina taun tahun pelajaran 2009/2010 mah bisa lulus Ujian Nasional teh rata-rata sakabeh mata pelajaran kudu 5,50, sarua jeung taun (2008/2009). Dina taun 2010/2011 aya kamungkinan naek atawa sarua jeung taun katukang.
Sok sanajan dina taun ayeuna rata-rata kelulusan 5,50, hidep teu kudu sieun teu lulus, tapi justru kudu narekahan sangkan hidep bisa lulus. Pikeun nyanghareupan Ujian Nasional, di sakola-sakola sok diayakeun pangajaran tambahan.
Dina eta kagiatan hidep salawasna kudu miluan ulah henteu, lantaran dina eta kagiatan hidep bakal nambahan elmu pangaweruh jeung taktik dina migawe soal. Guru biasana lian ti mikeun elmu pangaweruh tambahan, oge sok ditambahan kumaha carana dina ngajawab soal (taktik ngajawab soal).
Lian ti eta aya sababaraha hal anu kudu diperhatikeun dina nyanghareupan Ujian Nasional (Kiat UN). Di handap ieu urang guar, sok sanajan saulas tapi mudah-mudahan aya mangfaatna.
1.   Dina nyanghareupan Ujian Nasional hidep kudu leuwih rajin diajar, lantaran materi soal lain ti kelas 9 wae upama di SMP, tapi ti kelas 7 jeung kelas 8. tingkat kasulitan soal tangtuna wae leuwih hese upama dibandingkeun jeung soal-soal ulangan harian atawa ulangan umum. Cara diajar nu efektif mah biasana diajar kelompok, sangkan hidep bisa diskusi jeung babaturan. Tapi, diajar mandiri oge bisa. Sangkan aya gambaran ngeunaan soal Ujian Nasional, hidep bisa ningali tina soal-soal Ujian Nasional nu ti heula. Malah ayeuna mah di toko-toko buku geus loba buku kumpulan soal-soal Ujian Nasional taun-taun katukang jeung dilengkepan ku cara migawena sarta sakalian konci jawabanana. Kade lamun di sakola hidep aya perpustakaan, eta oge bisa digunakeun pikeun nambahan elmu pangaweruh pikeun nyanghareupan ujian nasional.
2.   Pikeun nyanghareupan Ujian Nasional ieu, hidep kudu nyiapkeun strategi diajar. Hartina hidep kudu bisa ngarobah pola diajar anu salila ieu ku hidep dijalankeun. Hidep kudu bisa neangan cara diajar anu bener-bener efektif jeung efisien. Lian ti eta, hidep kudu bisa manggihan kahengkeran hidep dina neuleuman mata pelajaran. Upamana hidep hengker dina matematika, tangtuna wae hidep kudu bener-bener diajar matematika na.
3.   Pikeun nyanghareupan Ujian Nasional hidep kudu bisa ngajaga kasehatan. Lamun urang teu sehat, tangtu wae lamun migawe hiji pagawean hasilna moal nyugemakeun, lantaran dina kondisi awak teu sehat pagawean oge moal maksimal. Ku sabab kitu kasehatan mangrupa modal utama pikeun migawe hiji pagawean. Tah, dina nyanghareupan Ujian Nasional oge hidep kudu bisa ngajaga kasehatan hidep. Lantaran lamun kasehatan hidep teu dijaga ti ayeuna sok bisi dina waktu Ujian Nasional teh gering. Tangtu wae lamun hidep migawe soal Ujian Nasional dina kaayaan gering, hasilna moal nyugemakeun, malah kamungkinan hidep teu lulus. Sabab, pikiran hidep kaganggu ku mikiran awak nu keur gering. Sangkan awak urang salawasna sehat, urang kudu bisa ngatur waktu, sare sacukupna, ngadahar kadaharan anu ngandung gizi jeung olah raga anu teratur.
4.   Ulah loba kabingung lamun urang nyanghareupan Ujian Nasional. Upamana sok sieun teu lulus, sieun teu katampa di SMA paforit lamun geus lulus, jsb. Eta teh bakal mangaruhan kana hasil ujian. Sabab, lamun urang rek ujian geus sieun teu lulus, tangtu wae dina nyanghareupan soal ujian oge moal tenang. Ahirna bisa ngabalukarkeun teu lulusna ujian. Ku kituna tenangkeun pikiran hidep, ulah loba pikiran anu teu pararuguh nu bisa mangaruhan kana migawe soal. Lamun urang migawe soal ujian dina kaayaan tenang, tangtu wae pikiran urang teh bakal cangra, sarta bakal sumanget migawena.
5.   Dina migawe soal ujian nasional, hidep ulah curang. Upamana niron pagawean batur, atawa niron tina catetan, jeung sajabana. Eta hal teh bakal mangaruhan kana jiwa hidep sorangan, nya eta jadi kangeungeunaheun niron ti batur, teu mikir sorangan, nu ahirna bakal ngurangan kana kapercayaan dirina. Lian ti eta, hidep ulah hayang neangan bocoran soal atawa konci jawaban Ujian Nasional. Sabab, can tangtu soal atawa konci jawaban teh jauh jeung nu dipiharep.
6.   Waktu Ujian Nasional, hidep kudu bisa milih soal, upamana migawe heula soal nu ceuk hidep gampang. Teu kudu noron ti nomer hiji heula, tapi bisa nu mana wae, nu penting hidep bisa migawe eta soal. Kade dina migawe soal teh hidep kudu bener-bener ngarti kana eusi soal. Sabab, lamun salah ngahartikeun eusi soal bakal ngabalukarkeun salah dina ngajawab.
7.   Ujian Nasional biasana sok ngagunakeun Lembar Jawaban Komputer (LJK). Tangtuna wae dina LJK lian ti option a,b,c, jeung option d nu kudu dihideungan, aya oge identitas peserta anu kudu dieusian. Sing ati-ati dina ngeusianana, ulah salah dina ngeusian ngaran hidep, tempat tanggal lahir, ngaran mata pelajaran anu diujikeun, waktu ujian, asal sakola jeung tanda tangan. Ulah poho ngeusian kode paket soal, kade bisi salah. Taun katukang mah (2009/2010) kode paket soal Ujian Nasional teh nya eta paket 12 jeung paket 45. lamun salah ngeusian kode paket soal, hidep bakal rugi, sabab tangtuna wae konci jawaban bakal beda.
8.   Samemeh ujian dilaksanakeun, ulah poho ngado’a. Sabab, ku ngadoa hate urang bakal tenang dina migawe hiji pagawean. Nya kitu deui dina migawe soal ujian, lamun urang loba ngado’a mudah-mudahan bisa ngahontal hasil nu nyugemakeun. Urang salaku manusa ngan ukur bisa ngararancang, Allah nu nangtukeun. Ku kituna sing loba ngado’a, mugi-mugi bae ujian nasional teh lumangsung kalawan lancar sarta ngahontal hasil nu nyugemakeun.